İstedadlı qadın yazıçılarımızdan olan Ələviyyə Babayeva çoxsaylı roman, povest, hekayələr müəllifidir. O həmçinin L.Tolstoy, İ.Turgenev, A.Çexov, V.Astafyev, V.Polova, Y.Sotkin, Qaydar, A.Zaqers, Astafayev və s. kimi görkəmli sənərkatların əsərlərini dilimizə çevirmişdir. Onun imzası 1936-cı ildə çap etdirdiyi “İki həyat” hekayəsilə tanınmağa başlandı. Müəllifin “Mənim müəllimim” adlı ilk kitabı isə 1950-ci ildə “Uşaq gənc nəşr” də çap olundu. Sonra müəllifin birbirinin ardınca “Hekayələr”, “Tək ağac”, “Kənd yolları”, “Payızda”, “Yenə bahardı”, “Tut ağacı”, “Süsən sünbül”, “Hörüklər”, “Adamlar və talelər”, “Hardasan, dost, harda”, “Əlvida”, “Dəli Sona” “Son döngə” və s. əsərləri işıq üzü gördü. O, cəmiyyətin ictimai-siyasi mənzərəsi ilə yanaşı, insan qəlbini, mənəviyyatını əsərlərində işıqlandırırdı və müasir dövrünün həqiqətlərini, reallığını doğru-dürüst əks etdirirdi

Viktor Hüqonun bu tarixi və möhtəşəm əsəri Fransa tarixində böyük dəyişikliklərin baş verdiyi, fərqli ideologiyaların və baxışların toqquşduğu 1793-cü il hadisələrindən bəhs edir. Romanın mərkəzində müxtəlif nəsillərə və fərqli inanclara mənsub olan üç əsas personajın taleyi dayanır: qədim ənənələrə sadiq qalan təcrübəli markiz de Lantenak, yeni idealları müdafiə edən onun gənc və cəsur qohumu Qauven və onun mənəvi müəllimi olan qətiyyətli Simurden. Hadisələr bu üç fərqli xarakterin qarşıdurması fonunda cərəyan edərkən, sadiqlik, borc və insanlıq hissləri böyük sınağa çəkilir. Əsərin ən təsirli məqamlarından biri köməksiz uşaqların xilas edilməsi ətrafında qurulan səhnədir ki, bu da ən kəskin qarşıdurmalarda belə insani duyğuların hər şeydən uca olduğunu göstərir. Müəllif fərdlərin daxili mübarizəsini təsvir edərək sübut edir ki, hər hansı bir ideologiyadan və ya qanundan daha üstün olan yeganə dəyər insanpərvərlik, mərhəmət və vicdandır.

"Ümumi tarix" fənni üzrə 6-cı sinif üçün dərslik

İngilis yazıçısı Devid Almond yeniyetmələr haqqında bir-birindən maraqlı əsərlərin müəllifidir. Hazırda uşaqlığının keçdiyi qəsəbənin yaxınlığında ailəsi ilə birgə yaşayan Almond dünya uşaq ədəbiyyatının ən nüfuzlu mükafatına – “Andersen” mükafatına layiq görülüb. “Dünya sehrli bir yerdir”, “Alovlar arasında”, “Aya dırmaşan uşaq” kimi əsərlərin müəllifi olan yazıçıya ən böyük şöhrəti isə indi əlinizdə tutduğunuz bu kitab – “Skelliq” romanı gətirib. 1998-ci ildə işıq üzü görən əsər indiyədək bir çox dillərə tərcümə olunub, müəllifinə isə bir çox mükafatlar qazandırıb. Qeyri-adi süjet xəttinə və qəhrəmanlarına görə maraqla oxunan roman artıq dünya uşaq ədəbiyyatının incilərindən sayılır. “Skelliq”in motivləri əsasında bədii film çəkilib, həmçinin tamaşa və opera hazırlanıb.

Ümumtəhsil məktəblərinin 9-cu sinfi üçün "Azərbaycan tarixi" fənni üzrə DƏRSLİK