İlahi, mənə yox, mən istəmirəm, İlahi, yazığın gəlsin bu qıza. Elə eləmə ki, oğlanlar, qızlar, Kişilər, arvadlar gülsün bu qıza. Elə eləmə ki, vüsal yerinə Göz yaşı danışsın, qəhər danışsın. Bir qızdan bir bölük adam danışsın, Bir qızdan bir böyük şəhər danışsın. Elə eləmə ki, bu qız bu eldə, Dilə-dişə düşsün məndən ötəri… Sərçə balasıdı bu qız bu saat, Boynunu uzadıb dəndən ötəri.
Çalağan və bülbül
Çalağan gәlib dilә, Bir gün dedi bülbülә: — Öyrәt mәnә dә nәğmә, Şövq ilә gәlim dәmә, Oxuyum, vurum cәһ-cәһ, Dinlәyәn desin bәһ-bәһ…
BİR SALAMA DƏYMƏDİ
Bu gün mən səni gördüm, Salam vermək istədim, Üzünü yana tutdun. Söylə, illərdən bəri Qəlbimizin bir duyub bir vurduğu illəri, Axı, nə tez unutdun? Beş ildə gözümüzdən axan o qanlı sellər, Bir salama dəymədi? Heç üzümə baxmadan yanımdan necə keçdin? Sən eşqin salamını qorxuyamı dəyişdin? Yoxsa sən öz əhdinə, ilqarına ağ oldun? O qədər yaxın ikən, bu qədər uzaq oldun. Şirin gülüşlərimiz, acı fəğanlarımız Bir salama dəymədi? Qayğılı anlarımız, qayğısız anlarımız Bir salama dəymədi?
Şəkil
Evdə təkəm, şəkilinə baxıram Zəng eləyir arvadımın xalası… Yağış yağır çəkdirdiyin şəkildə Bir it də var, arsız həyət tulası Yağış yağır çəkdirdiyin şəkildə Hətta bir az külək əsir, sazaqlı Sol yanında hüzünlü bir uzaq var Şəkillərdə yaxşı düşür uzaqlıq
Yuvam dimdiyimdə...
Yuvam dimdiyimdə gəzirəm hələ… Sənsiz yer də yoxdu, dərbədər mənə Gəl e, gəl qırılıb qırağa düşmüş o qol budağımdan meyvə dər mənə.
