Keçən ilin payızından o, anasında dəyişiklik hiss etməyə başlamışdı. Amma bu barədə nə anasından, nə də atasındn soruşmağa cürət etmişdi. Sanki bunun naməhrəm mövzu olduğunu bilirdi. Amma onlara tez-tez gələn və onunla arası açıq olan ata nənəsi Gülnisə demişdi ki, inşallah yazda hacıleylək ona dünya gözəli bir bacı gətirəcək... Hacıleylək hər il yazın ortalarında evlərinin qarşısında, yol qırağında çinarın budaqları arasında iri yuva qurardı. Həmin hacıleyləyin özünün də çox gözəl balaları olardı. Amma indi nənəsi deyəndə ki, hacıleylək ona bacı gətirəcək, sevincindən az qalmışdı ki, həmin leyləklər kimi pərvazlanıb havaya qalxsın.

Anton Çexovun 1896-cı ildə yazılmış dörd­pərdəli “Qağayı” komediyasının personajları, əsasən, ziyalılar, yazıçılar, həkimlər və digər ailələrdən olan savadlı qızlardır. Burada fövqəladə ideal insan olmadığı kimi, mənfi tiplər də yoxdur. Hərənin özünə görə həm müsbət, həm də mənfi cəhətləri var. Hərə də bir cür bədbəxtdir.

İsa Muğannanın – “Saz” əsəri əsər Böyük Vətən Müharibəsi illərində arxa cəbhədə yaşanan həyatın ağırlığını, baş verən konfliktlərin dinamik inkişafını maraqli şəkildə əks etdirir. İsfəndiyar kişi, Qılınc Qurban, Çekist Məhərrəm, Milli, Cəbrayıl kimi xarakterlər, yaradılan təzadlı situasiyalar Azərbaycan kəndinin və insanının bütün koloritini canlı şəkildə ötürə bilir. Əsər elə real təsvirlərlə zəngindir ki, oxucu özünü o dövrün və o insanların içində hiss edəcək. Motivləri əsasında məşhur “Tütək səsi” filmi çəkilmiş əsərlərdə nəql olunan əhvalatlar çox asanlıqla yaddaşa köçür.

Azərbaycan Respublikasının Milli Məclisi Azərbaycan Respublikası Konstitusiyasının 95-ci maddəsinin I hissəsinin 4-cü bəndini rəhbər tutaraq qərara alır: Azərbaycan Respublikası 2013-cü il 27 iyun tarixli “Dərc olunmuş əsərlərin görmə qabiliyyəti tam məhdud, görmə pozuntusu və ya çap məhsullarını oxumaqla bağlı başqa əlilliyi olan şəxslər üçün əlçatanlığını asanlaşdırmağa dair Mərakeş Müqaviləsi”nə müvafiq bəyanatlarla (bəyanatların əsli əlavə olunur) qoşulsun.

Filip Rotun əsərləri dərin psixoloji, ictimai və mənəvi qatlara malikdir. Onun yaradıcılığının əsas xüsusiyyəti insanın daxili dünyasını, kimlik axtarışını və cəmiyyətlə toqquşmasını açıq, bəzən də sərt şəkildə göstərməsidir. Yazıçının qəhrəmanları çox vaxt şəhər mühitində yaşayan, savadlı, lakin mənəvi böhran içində olan insanlardır. Onlar öz azadlıqlarını qorumağa çalışır, eyni zamanda dini, ailəvi və ictimai qadağalarla mübarizə aparırlar. Rotun dili intellektual dərinliyə malikdir, lakin eyni zamanda canlı və emosionaldır. O, ironiyadan və satiradan geniş istifadə edir. Oxucu bəzən gülür, amma bu gülüşün arxasında ciddi bir faciə və həyat həqiqəti hiss olunur. Yazıçının əsas məqsədi insanı öz vicdanı ilə üz-üzə qoymaq, onu içindəki ziddiyyətləri anlamağa məcbur etməkdir.