Hekayədə hadisələr müəllifin yaxından bələd olduğu Azərbaycan kəndlərinin birində cərəyan edir. Süjet xəttinin mərkəzində Sevər adlı gənc, saf qız və onun ilk nakam məhəbbəti, daxili sarsıntıları dayanır. Kənd mühitində böyüyən gənclər bir-birinə qarşı təmiz duyğular bəsləsələr də, dövrün əxlaqi normaları, mühitin basqısı və tale bəzən onları fərqli yollara yönəldir.

Hekayə 1940-cı illərin Bruklinində cərəyan edir. Ev-bağ rəngsazlığından öz zəhməti ilə 10 dollar qazanmış 13 yaşlı yəhudi əsilli oğlan uşağı qəzetdə maraqlı bir elan görür: "Qara brindl (pələng rəngli) Buldoq balaları, hər biri 3 dollar". Ailəsində heç vaxt it saxlanılmadığı və atası müflisləşmə kənarında olub depressiv bir dövr keçirdiyi üçün o, bu qərarı təkbaşına verməli olur. Anasından qəti bir cavab ala bilməyən yeniyetmə, özünə güvənərək şəhərin tamamilə yad və uzaq bir hissəsinə, iti almağa yollanır

Azərbaycanda ilk dəfə nəşr olunan «Möhtəşəm beşlik» seriyası Enid Blaytona dünya şöhrəti qazandırıb. Seriyaya daxil olan bu kitabda dörd uşaq və onların sevimli köpəyi növbəti yay tətilini Billikok təpəsində qurduqları düşərgədə keçirmək qərarına gəlir. Lakin yenə də qeyri-adi hadisələrin iştirakçısına çevrilirlər. Təpənin yaxınlığındakı hərbi aerodromdan iki təyyarə qaçırılır. Bu çox təhlükəlidir: çünki dövlətin sirləri düşmən ölkənin əlinə keçə bilər. Bəs təyyarələri qaçıranlar kimlərdir? «Möhtəşəm beşlik» həmin suala cavab axtarmağa başlayır...

«Köhnə Bakı» kitabı həyatın hər üzünü görmüş, min-min əzab-əziyyətə mərdliklə sinə gərmiş mübariz bir sənətkarın yanar qəlbinin əks-sədasıdır. H.Sarabskinin xa­tirələri Azərbaycan səhnəsinin tərəqqisi naminə əl-ələ verib çalışan, imkansızlıq ucbatından bir çox arzularına yetə bilməyən, ancaq özlərindən sonra heç vaxt sönməyən bir işıq qoyub getmiş neçə-neçə sənət fədaisi barədə qiymətli, nadir faktlarla zəngindir. «Köhnə Bakı» adlı bu əsərdə keçmiş Bakının adət-ənənələri, məşğələ və oyunları, «qəhrəmanları», Azərbaycan teatrının o dövrdəki vəziyyəti, ayrı-ayrı sənətkarlar haqqında qiymətli məlumatlar öz əksini tapmışdır.

«Köhnə Bakı» kitabı həyatın hər üzünü görmüş, min-min əzab-əziyyətə mərdliklə sinə gərmiş mübariz bir sənətkarın yanar qəlbinin əks-sədasıdır. H.Sarabskinin xa­tirələri Azərbaycan səhnəsinin tərəqqisi naminə əl-ələ verib çalışan, imkansızlıq ucbatından bir çox arzularına yetə bilməyən, ancaq özlərindən sonra heç vaxt sönməyən bir işıq qoyub getmiş neçə-neçə sənət fədaisi barədə qiymətli, nadir faktlarla zəngindir. «Köhnə Bakı» adlı bu əsərdə keçmiş Bakının adət-ənənələri, məşğələ və oyunları, «qəhrəmanları», Azərbaycan teatrının o dövrdəki vəziyyəti, ayrı-ayrı sənətkarlar haqqında qiymətli məlumatlar öz əksini tapmışdır.